你的拍檔是那一種人？

2010年3月17日 下午8:20公開累計瀏覽次數 1

那天，我換冷氣機。

一同進來的是三個年輕人，起初他們各自各分工，之後 C的工作大概完了，A站在木梯子上，A就叫C幫忙。

A叫C攞xxx, C攞咗俾A，A話佢，你攞xxx點解唔攞埋yyy。

跟住A又叫C攞螺絲，C攞咗俾A，A話佢，你攞螺絲點解唔攞埋www。

如是者不下多次，我不是老細，也不是C的拍檔，我都無法忍受C那種態度。

看情形就知C不是第一日開工，聽這些對白就知道A早已經教過C。

B一直很少出聲，也沒有落手落腳參與工作。我問佢問題，佢就答得頭頭是道，估都估到佢係乜身份。

看樣子，他們三個都是八十後，一個有紋有路，一個就激死人，如果你係老細，我知你會揀邊個伙記。如果C唔努力改進，前路漫漫，我就只能祝佢好運。

我都好想知道，唔知係C細個果陣無人教佢，定係佢唔肯聽人教，抑或俾朋友影響攪成咁！