2010年11月16日 下午10:00累計瀏覽次數 39
今日覺得個心唔係幾舒服，去睇醫生。
醫生間診所係較小型的商業大廈，上到樓上，電梯大堂無冷氣，覺得好焗、好辛苦。
睇完醫生出嚟，又要等電梯，梗係要等多時間過頭先上到嚟嗰陣啦，見咁焗，不如推開防煙門睇吓好唔好 d，點知仲慘，一陣熱氣谷入嚟，救命呀！真係好辛苦呀！透唔到氣啦！
我知有 d商業樓宇既設計，樓梯位係無窗，完全無新鮮空氣流入，裡面真係好鬼焗架，真係難為 d 管理員 / 保安員日日要行樓梯巡樓；仲有呀，d 清潔員工都要行樓梯架。如果佢地心肺功能不全的話，又會辛苦好多添，可能仲唔敢話俾公司知，驚住會炒魷，真係慘！唔知係唔係要等到有人在樓梯內暈低失救然後先會考慮重新評估焗死人既可能性！都唔知自己有冇命，等唔等得嚟！
其實有 d商業樓宇既窗係有光架，但係 d 窗細， 唔夠光，又唔開得，所以要開燈，要開燈即係會發熱，即係制造焗。唔知呢 d算唔算係光污染呢？
環保署話要節約能源，咁呢 d 樓梯 24小時都要開燈，唔知浪費幾多能源呢？個地球慘，即係人都慘啦！
唔知咩署又話要防火，樓梯唔可以開窗，如果開窗，火燭果陣會燒死。仲話要立例將嗰 d開得嘅樓梯窗封埋。我就話，長此下去，通過了法例的話，如果火燭呢，死就死梗，一係燒死，一係焗死。平時焗定先，焗壞個身體先，醫生到時會話搵唔到證據證明係焗壞嘅！
唔知邊署聲音夠大，力量夠大會救到大家呢？
一係燒死，一係焗死
回覆刪除真是左右難。